BERRIAK

MoodleMoot Euskadi 2022 #mooteu22

Data: 2022-07-13

Ekainaren 30ean, urteroko ohiturari jarraituz, antolatu dute Euskadiko MoodleMoot jarduera. Aspaldiko partez presentziala izan da eta Deustuko Unibertsitatearen egoitzan egin da, bertako eragile taldeak bultzatuta. 

Goizeko hsaierako ekitaldia Irakaskuntza hibridora hurbilketa gisa gaiaren gainekoa izan da, eta hizlaria Bartzelonako Blanquerna-Ramon Llull Unibertsitateko Miquel Àngel Prats izan da. Ildo ugari erakutsi du irakaskuntzaren benetako eredu hibridoaz eta hainbat kasu eta informazio-iturri eskaini du.

ENDING jardunaldia: Herritartasun digitala eta ikasleen parte-hartze aktiboa

Data: 2022-07-05

Ekainaren 21ean, Bilboko La Bolsa eraikinean,  Herritartasun digitala eta ikasleen parte-hartze aktiboaren gaineko jardunaldia antolatu zuen Pantallas Amigas erakundeak. 

Ekitaldia ENDING proiektua aurkezteko izan zen. Hiru herrialdetako (Espainia, Portugal eta Alemania) erakundeen partzuergo batek ERASMUS+ programaren barruan bultzatu duen proiektua da,  

Interneteko teknologien erabilera positiboari heltzen dio, ikasleek prozesuan duten parte-hartzean eta protagonismoan oinarrituta, eskola-bizitzarekin lotura handiagoa izan dezaten. Ikasleek paper aktibo erabakigarria hartzen dute eskola-eremuan.

Jardunaldiaren egitaraua, hezkuntza komunitate osoari bideratua egon zen.  

Sare_Hezkuntza Gela 2022 Jardunaldia

Data: 2022-06-14
2022ko ekainaren 1ean Sare_Hezkuntza Gela 2022 jardunaldia egin zen, on-line formatuan. Jardunaldiaren programa hainbat ikastetxetako sei esperientzien aurkezpenak osatu zuen. 118 ikastetxe izan ziren konbidatuak parte hartzera, aurten proiektua amaitzen zutenak hain zuzen.

Jardunaldiak Sare_Hezkuntza Gela ekimenari itxiera emateko ere balio izan zuen, eta, horretarako, Amaia Agirrek, Ikaskuntza eta Hezkuntza Berrikuntzako zuzendariak, parte hartu zuen, digitalizazioarekin lotutako hezkuntzak dituen erronkei erantzuteko ezarriko diren proposamenei buruz hitz egiteko.

Hauxe da Twitterren argitaratu dugun informazioa: